New Delhi ah Janakpuri PYD le Muti-Park PYD hna nih A Vawikhat (1) Nak Joint Sports Meet an ngei.

Kaphnih Pentecostal Youth Department

March 19, 2016 (Saturday) ni ah, Janakpuri  New Delhi PYD le Mutipark New Delhi PYD hna nih, nuam ngai in, 3rd Bn, Delhi Armed Vikaspuri, New Delhi –110018, ah Zing Suimilam 11:00AM in Zanlei Suimilam 6:00PM tiang, A Vawikhat (1) Nak “JOINT SPORTS MEET” an ngei.

          Hi Sports ah hin Kaphnih Pastor hna zong nih an tal pi hna tiah theih a si. Hi bantukin, Joint Sports Meet an tuahnak a ruang cu; Krih ah pumkhat  kan sinak , zumhnak ah pakhat  kan sinak le Tipil pakhat aa hrawm mi kan si bantuk in, hmailei ah MINO hna nih cak chinchin in le kau chinchin in, lungrual tein Pathian ramkohnak caah kan tuan ti khawhnak ding le, kan I pehtleihnak a feh deuhnak ding, cun pakhat le pakhat thazang kan I pe khawh deuh nak a si lai ti ruahchannak he tuah mi a si. cu lawng si lo in, pathian rian kan tuannak ah taksa ngandamnak hi a rak biapi tuk I, minungkan si bantukin, I refresh nak zong ah Sports hi a tha caah, hmai lei zongah, a si khawh chung in kan I zuam lai I, kumkhat ah vawikhat peh zulh in hi bantuk Joint Sports hi kan nei peng lai tiah timhtuahnak an ngei mi zong, kaphnih hruai tu (Presidents) hna nih an chim.

Laknak : Both PYD President