7. Jesuh cu Pa a Si Tiah Kan Bible nih a Kan Cawnpiak

 Jesuh cu Pa a Si Tiah Kan Bible nih a Kan Cawnpiak

Pathian cu pakhat lawng a um i, Pathian cu Pa a si (Mal 2:10). Jesuh cu Pathian a si ve si ah cun, Jesuh cu Pa a si lo kho ve fawn loh. Mi cheukhat nih, Jesuh hi Pathian a si ti cu an zum ko nain, Pa a sinak balte cu an zum kho lo i, cu bantuk mi hna caah cun Jesuh hi Pa a si hrimhrim ti mi Baibal hmang in kan hung chim/hrilhfiah lai. Hi nih hin Jesuh hi Pathian a si ti cu a hung hrilhfiah ko lai. Hi  hrilhfiah nak ah hin Baible cang pa khat-hnih lawng hmanh a zaa kho in ka theih.'

1) Isaiah 9:6, “Kan caah ngakchia pakhat a chuak! Fapa pakhat pek kan si! Amah cu Khuaruahhar Fim Chimtu, A Tthawngmi Pathian, Zungzal Hmunmi Pa, Daihnak Bawi, ti a si lai.” Hikaah, kan hmuh mi cu, “Zungzal Hmunmi Pa,” a ti I, Fapa a hung chuak ding mi rak chimchungmi cu Jesuh hi a si I, cu lawng siloin Pa cu Pakhat lawng a um fawn I, curuangah Jesuh cu Pa a si I, Pathian a si (Mal 2:10; Eph 4:6).Colose 2:9 ah cun“Pathian sining cu tling khitkhet tein Khrih a minung sinak ah khan a um"a ti. Pathian a sinak nih cun Pa a sinak zong a huap chim dih I, curuangah, Jesuh ah cun Pa cu a um ti fiangte in kan hmuh khawh.

2) Baibal cang pahnih ka van tarlangh mi lawng siloin, Amah (Jesuh) hrimhrim zong nih Pa a sinak kha a kan cawn piak. Vawikhat cu Jesuh nih Pa kong a chim liao ah Pharasee mi hna nih an thawh I, “Na Pa cu khuazei ah dah a um?” tiah  an hal, Jesuh nih cun, “ Keimah zong nan ka hngal lo, ka Pa zong nanhngal fawn lo. Keimah kha ka hngal u law cu ka Pa zong cu nan hngalh ko hnga,” tiah a leh hna.” (John 8:19). Jesuh nih cun a thawhthan hna I,

6. Pathian cu Minung Jesuh ah a Hon I Cang

          Jesuh hi Pathian a si kan van ti bak hin, kan chim duh bik mi cu, Pathian cu Minung taksa pu in a ra ti hi a si. Hihi Kan Baibal nih a chim mi cu a si.

(1) “Kan biaknak phung chung I aa thupmi biathli hi zeitluk in dah a ngan ti kha ahohmanh nih an al kho lo: minung pum in a lang I ahmaan tiah Thlarau nih tehte a khan, Vancungmi zong nih an hmuh. Miphun kip sinah a kong cu chim a si, Vawlei cung khuazakip ah mi nih an zumh I vancung ah a kai.”(I Timote 3:16). Zeitin? Zeitikah khan dah hi thil hi a hung um? Jesuh Khrih ah khan a tlamtling dih cang.

(2) Vawlei hi ser a rak si hlanah bia cu a rak um cang; cu Bia cu Pathian sinah a rak um I cu Bia cu Pathian a si.”(RElchap>>>John 1:1-14). Hi Baibal bia hna nih hih Jesuh cu Pathian a sit i a hon fiah I, Pathian cu minung pum in a hung i phuang, a hon i theihter, etc…

          Pathian cu Thlarau a si khah. Thlarau lawng a si liao ah khan minung pum le thisen a nei lo I, minung nih hmuh khawh a si loh. Minung nih hmuh khawh a sinak ding ah le

5. Kan Baibal Biakam Thar Cauk nih Jesuh cu Pathian a si tiah a thanh

Kan Baibal Biakam Thar nih Jesuh cu Pathian a si tiah a thanhnak tampi chung in tlawmpal kan van langhter lai.

(a)   Lamkaltu 20:28, nih Khrihfabu cu Pathian thisen in a cawk mi a si I, cu Pathian thisen cu Jesuh thisen hi a si.

(b)   Paul nih cun Jesuh cu, “A liannganmi kan Pathian le kan Khamhtu Khrih Jesus.” a ti (Titus 2:13)

(c)    Peter nih cun Jesuh cu, “Kan Pathian le kan Khamhtu Jesuh Khrih.” a ti (II Peter 1:1).

(d)   Kan Pum cu Pathian Biakinn  a si I(I Corin 3:16-17), Khrih cu,
kan thinlung chungah khua a sa (Ephesians 3:17).

(e)    Kolose cauk nih hin Khrih Pathian sinak cu fakkhun in le uar khun in a chim.  “Pathian sining cu tling khitkhet tein Khrih a minung sinak ah khan a um"(Colose 2:9;1:19).

Hi Baibal cang nih hin, Jesuh cu Pathian a si ve tawk-tawk in a chim lo i, Pathian sinak cu a mah Khrih ah tling khitkhet tein a um a ti. Pathian Pathian ah cun Minung aa dang mi pathum a um an ti theu mi cu rak hman seh law cu, Kolose 2:9 nih hin, cu mi dang dang hna cu taksa neiin Jesuh ah hin an um dih ti in a chim hrimhrim hnga. Kan nih cu, amah ah cun nunnak tlamtling pek kan si (We are complete in Him)- (Colossians 2:10). Pathian sin in herh kan neih mi poh cu Jesuh sinah hin tlamtling te in kan hmuh dih. Biakam Thar nih Jesuh Khrih Pathian a sinak tlamtling a kan chimh mi cu kan i fiang ko lai dah tiah ruahchannak ka ngei.

4. Kan Baibal Biakam Hlun nih Jesuh cu Pathian Taktak a si tiah a Chim

Kan Baibal Biakam Hlun nih Jesuh cu Pathian Taktak a si tiah a Chim

(a)  Isaiah 9:6 hi Jesuh cu Pathian a si hrimhrim a ti tu a si: “Kan caah ngakchia pakhat a chuak! Fapa pakhat pek kan si! Amah cu kan uktu bawi a si lai. Amah cu Khuaruahhar Fim Chimtu, A Tthawngmi Pathian, Zungzal Hmunmi Pa, Deihnak Bawi, ti a si lai.”

(b)   Prophet Isaiah nih Messiah cu Immanuel tin kawh a si lai a rak ti , cu cu Pathian kan sinah a um, tinak a si (Isaiah 7:14; Matthew 1:22-23).

(c)    Isaiah nih Messiah cu David pa Jesse in a hon chuak lai ti le Jesse cu Messiah in a hon chuak mi a si kha a chim (Isaiah 11:1,10); Cun Jesuh nih kei cu David teda kha ka si a ti (Revelation 22:16). Minung sinak ah cun Jesse le David hringsor in a hon chuak mi a si I, asinain, Thlarau a sinak in cun Jesse le David hringsortu a nunnak a si ve. Hi thil  sining hi a thinlung in a theih ko na in Pharasee pawl khuaruah har ter ding in, Sam 110:1 hi Jesuh nih a chim I, David nih cun Bawipa tiin Messiah cu a auh/kawh I, zeitindah Messiah cu David fapa cu a si kahwh kun lai? tiin a hal (Matt 22:41-46)

(d)   Isaiah 35:4-6 nih hin Jesuh cu Pathian a si ti a langhter than, “Na thinphang hlah, lungthawng in um ko! Pathian cu nangmah chanh awkah a r alai, na ral khan a phu a hlam hna lai,” Mitcaw nih khua an hmuh lai I hnachet nih khua an theih lai, keibei cu an pet an lam lai I a holh kho lomi kha lunglawmnak in a au in a au lai. Thetse ram chungah khan tiva a luang lai; Hi Baibal cang hi a mah (Jesuh) le a mah aa chimnak a si (Luke 7:22) I, a riantuannak ah hi thil vial te hi a tuah dih.

(e)    Isaiah 40:3 nih cun, “Aw pakhat nih, “Bawipa caah ramcar chungah lam pakhat sial u! Kan Pathian caah thetse ram I lam cu sial u.” Tipil petu Johan nih khan Jesuh caah lam a sial I, hi rakchimchung mi hi a hon tlamtling ter (Matthew 3:3). Cu caah, Jesuh hi BAWIPA (Jehovah/Yahweh) kan Pathian cu a si.

(f) Micah 5:2 zong nih, Messiah (Jesuh) hi Pathian a sit i a fiang ter than I, “Sihmanhsehlaw Bethlehem Efrath, nangmah cu Judah ram chungah a hme bik khua hna lakah naa tel ve nain, Nangmah chungin Israel uktu a chuak lai. Amah a hram cu kan hnuleipi caan, a luan cangmi caan chungah khan a um cangmi a si.”

Hi bantukin, kan Baibal Biakam Hlun nih fiangte in a kan chimhmi cu, a ra lai ding mi Khamhtu le Messiah  cu Amah Pathian a si a ti.

3. Kan Baibal Biakam Thar nih Pathian Pakhat Lawng A Um Tiah a Kan Cawnpiak

          Nawlbia pahra chungah a hmasakbik a si mi Deuteronomy 6:4, hi Jesuh nih fak khun in (Mark 12:29-30) ah a kan cawn piak than. Cu lawng siloin kan Baible Biakam Hlun cauk nih Pathian Pakhat kong a kan cawnpiak mi hi Kan Baible Biakam Thar cauk zong nih Piangte/fiangte in vawitam pi a nawlhthan.

    "Pathian cu pakhat pei a si cu, Judah mi cu an zumhnak thawngin amah he cun a remter hna lai I Jentail mi zong cu an zumhnak thawng in a si thiamthiam ve ko lai" (Romans 3:30).

    "Pathian cu pakhat lawnglawng a sit i kha kan hngalh" (I Corinthians 8:4).

    "Sihmanhsehlaw kannih caah cun Pathian cu pakhat lawnglawng a um I amah cu kan Pa, Zeizong vialte Sertu kha a si I kannih hi amah ca I a nungmi kan si; cun bawipa cu pakhat lawnglawng a um I cucu Jesuh Krih kha asi I amah thawng cun zeizong vialte kha ser an si I amah thawng cun kannih zong hi kan nung” (I Corinthians 8:6).

    "Pathian cu pakhat lawng a si" (Galatians 3:20).

    "Pathian cu pakhat lawng a si I amah cu mi vialte pa" (Ephesians 4:6).

    "Pathian cu pakhat lawng a si" (I Timothy 2:5).

    "Pathian cu pakhat lawng a sit i nan zumh. Atha ko. khuachia zong