3. Kan Baibal Biakam Thar nih Pathian Pakhat Lawng A Um Tiah a Kan Cawnpiak

          Nawlbia pahra chungah a hmasakbik a si mi Deuteronomy 6:4, hi Jesuh nih fak khun in (Mark 12:29-30) ah a kan cawn piak than. Cu lawng siloin kan Baible Biakam Hlun cauk nih Pathian Pakhat kong a kan cawnpiak mi hi Kan Baible Biakam Thar cauk zong nih Piangte/fiangte in vawitam pi a nawlhthan.

    "Pathian cu pakhat pei a si cu, Judah mi cu an zumhnak thawngin amah he cun a remter hna lai I Jentail mi zong cu an zumhnak thawng in a si thiamthiam ve ko lai" (Romans 3:30).

    "Pathian cu pakhat lawnglawng a sit i kha kan hngalh" (I Corinthians 8:4).

    "Sihmanhsehlaw kannih caah cun Pathian cu pakhat lawnglawng a um I amah cu kan Pa, Zeizong vialte Sertu kha a si I kannih hi amah ca I a nungmi kan si; cun bawipa cu pakhat lawnglawng a um I cucu Jesuh Krih kha asi I amah thawng cun zeizong vialte kha ser an si I amah thawng cun kannih zong hi kan nung” (I Corinthians 8:6).

    "Pathian cu pakhat lawng a si" (Galatians 3:20).

    "Pathian cu pakhat lawng a si I amah cu mi vialte pa" (Ephesians 4:6).

    "Pathian cu pakhat lawng a si" (I Timothy 2:5).

    "Pathian cu pakhat lawng a sit i nan zumh. Atha ko. khuachia zong

nih cucu an zumh ve ko-an zumh ve ko I an tih caah a ther in an ther" (James 2:19).

          Kan hmuh bantuk in Baible nih a kan cawn piak mi cu Pathian pakhat lawng a um ti hi a si. Pathian mi fa hna nih an rak kan cah ta mi cu Pathian pakhat lawng a um ti hi a si.

          Pathian nih Abaraham a thim/auh nak ruang cu, a pa pathian le a ram/miphun pathian kha hlawtngam in, a nung mi Pathian pakhat a biak ruang ah a si(Genesis 12:1-8). Israel nih pathian tampi an biak lang mang ruang ah, a donghnak ah Pathian nih a thawl hna i Babilon sal ah a tang ter hna.(Acts 7:43). Vawlei ah khamhtu Jesuh Krih cu Israel mi hna sin ah a ra i, cu biaknak phung cu Judaism a si. Israel mi hna cu a dongnak ah pathian tampi biaknak cun Judaism ah an hung i cang.  Thate in an i ruah hnu ah pathian pakhat zumnak ah an hung i let hi a si.

          Nihinni ah, Pathian nih, a mah cu Pakhat lawng a si i, cu a sinak te kha thangthat ding ah nang le kei a kan herh. Khrihfabu chung i a um mi dihlak Zumhnak ah kan pa Abraham rocotu le Zumhnak ah Abraham Zumhmi Pathian pakhat aa hrawm mi kan si i(Rome 4:13-17) Khrihfa kan si bantuk in, Pathian nung pakhat a sinak kong hi banglo in chim le thangthat peng ding kan si.