Zeiruaangahdah kan Hnarthi a Chuah Tawn?

Zeiruaangahdah kan Hnarthi a Chuah Tawn?

Medicalnewstoday- nih a chuah ningin hnar thi chuak kan ti mi hi sii (medicine) lei holh in kan chim ah cun epistaxis anti. Nasal hemorrhage ti zawng in an ti fawn. Hnar (nose) ah hin thisen kalnak (thihri) tampi a um I, kan theih bang kan hmai laifang ah kan hnar cu a um mi a si ruangah le thisen kalnak atam ruangah hnar hi I khawng den sualnak le thi chuak ter sual a fawi taktak mi a si.

Nova Specialty Surgery, Tardeo, Mumbai-i ENT Surgeon Dr. Ashim Desai nih cun,"Hnar thichuah hi tihnung tuk mi cu asi lem lo, sihmansehlaw, nunnak caah apoi
kho mi zong asi kho men, amahbalte cubantuk cu atam tuk lo" a ti.

Hnar thi a chuahnak aruang a phunphun achimmi hna Time of India health section i an chuahmi (langhtermi) pawl hna ka van langhter than lai.

1.    Allergic rhinitis ruangah hnar thi achuak kho. Allergy ruangah kan hnar kua chung i tissue lining a phing I cunih cun,, hnar thi a chuahter khaw. Hnap hnit liao zawngah thi tlawm palh a chuak khaw. Hibantuk ah hin cun Skin allergy test tuah ah a tha. Allergy a hung umnak a ruang kawl khawh ah a tha. Anti-Allergic sii(damdawi)doctor pawl nih a kan cawh tawn I vaccine zawng lak khawh asi.

2.    Hnap khir khawih le hnar khawih hrimhrim hi acin pah ruangah kan hnar kua chung kan kheuh I a hma tawn i, cu nih cun ulcer ah I cangin hnar thi zawng achuah ter khawh. Hngakchia cunpit hnarpit mi hna nih an hnar tawngh le kheuh an hmang I, cu nih cun hnar thi a chuah ter khawh fawn.  

3.    Upa puitling ah thisen zawng (colour)atak deuh mi maw siloah a rim a chia mi hnar chung in a hung chuak siahcun Sinus infection ruangah maw siloah tumor ruangah zong ah a si kho. Hihi cu endoscope le CT Scan in zoh a hau tawn.

4.    Hngakchiah cu ahnar thi achuak langmang siah cun tumor ruangah asi kho i, Cucu Juvenile angiofibroma (thisen kalnak, thihri ah cun a um) anti, angiography le zei (Surgical excision) a hau theu.

5.    Nu naupoi liomi hna zawng an hnar thi achuak tawn I, hihi cu an naupawi ruangah nasal passage-i thil phundang a cang mi a um theu ruang ah a si. A caan ah cun PIH (pregnancy related hypertension) ruang zongah a si kho i, cubantuk a si ah cun gynecologist sinah ruahnak hal ding asi.                      

6.    Hypertension (BP sang) hi kum upat leiah hnar thi chuak ruangah a si deuh mi asi.

Medicalnewstoday

Time of India health section