8. Jesuh cu Jehovah a si (Jesus is Jehovah)

Jesuh cu Jehovah a si!

           Jesuh hi Pa a si ti kan hrilhfiah nak ding ah Pathian Bia (Baibal Cathiang Bia) kan hung tar mi pawl ah khan Jesuh hi Pathian pakhat lawng cu a si ti kan hrilhfiah nak ding a thlau hlei lo i, Kan Baibal Biakam Hlun i Pathian pakhat lawng kha Jesuh (Jehovah) hi a si ti langter/fiangter ding in Pathian Biathiang Hleihnih in ka hun tarlang lai.

       (1)   Isaiah 40:3 nih a rak chimchung mi cu, “Aw pakhat nih, “Bawipa (Jehovah) caah ramcar chung ah lam pakhat sial u!; Matthai 3:3 nih a chim mi cu Tipil petu Johan hi rak chimchung mi tlamtlingter tu a si a ti. A si, kan theih bantukin Johan nih cun, Bawi Jesuh Krih lam kha a rak tuah/sial piak. Hika ah hin Bawipa (Jehovah) hi Jesuh chimnak ah a hung hmang. Jehovah hi Pathian pakhat min zah a um tuk mi a si ruangah, Israel mihna mi thianghlim ca dah ti lo ah cun midang chimnak ah kan Baibal nih hin a hmang bal loh.

       (2) Malachi 3:1 nih"Bawipa cu chikkhatte ah a biakinn ah a ra lai; nannih nih nan duhmi biakamnak lamkaltu cu hika ah a ra cang.” Hi cu, Jesuh nih a tlamtlingter. “Jesuh nih biakinn a timi cu amah a pum kha a si” (John 2:21).

        (3)  Jeremiah 23:5-6 nih, David ruang in a dingmi Nge a hung chuak ding kong a chim I, hihi Messiah (Jesuh) chimnak a si. Amin cu, “BAWIPA kan felnak


(Jehovah Tsidkenu) ti a si. Phundang in kan chim siahcun, “BAWIPA (Jehovah) cu kan felnak” ti hi “Jesuh cu kan felnak” ti nak a si.

       (4) Isaiah nih, Jehovah konglam chim in, “Khamhnak ah cun amah thawnnak kha a hman” (Isaiah 59:16), “Bawipa nih thawnnak in a uk hna lai i a khamhmi kha aa ratpi hna lai." (Isaiah 40:10). Isaiah 53:1-2 “Mi nih khan an leh i, “Atu i kan chimhmi hi aho nih dah an rak kan zumh khawh hnga? Hi thil ah hin Bawipa kut aa tel kha aho nih dah an hmuh khawh hnga?” – Cang2 “Vawlei car i a keomi thingkung bantukin a sal cu a rak thang, cucu Bawipa duhning a rak si. Zoh kan duh nakhnga dingah i dawhnak le rumra zeihmanh a ngei lo, iang zeihmanh a ngei lo i a pumrua zong a chuakthiammi a si lo.” Hika Isaiah 53:1-2 bia ah hin Messiah (Jesuh) hi BAWIPA (Jehovah) thawnnak a hung langh cu asi ti a chim i, cucun Jesuh hi Pathian dang siloin vawlei khamnak ding ah Jehovah minung taksa cu a si.

        (5) Iaaiah nih cun, ‘Bawipa (Jehovah) sunparnak cu a lang lai i mi vialte nih an hmuh lai. Hi biakamnak cu Bawipa (Bawipa) hrimhrim nih a tuahmi a si,” a ti (Isaiah 40:5). Jehovah nih cun a sunparnak cu a ho sin hmanh ah apek lo ding bia a chim (Isaiah 42:8; 48:11). Cu ti a si ah cun, hi rak chimchung nak hi a mah hrimhrim a hung i ap lawng ah a hung cang khawh ti nak a si. Pa lianngannak cu Jesuh nih a neih ti Biakam Thar ah kan hmuh (Johan 1:14;17:5). Sunparnak cu Bawipa a si (I Corin 2:8). Jesuh cu Pa Sunparnak in aa thuam i, Pentecost ni ah khan a rak ra (Matt 16:27; Mark 8:38; Lamkaltu :11-;; Matt 28:20; II Korin 3:7; Johan 14:6,18-20). Cuticun Jehovah sunparnak/Lianngannak cu Jesuh nih a nei dih i, curuangah Jesuh hi Jehovah (Yahweh) cu a si.

         (6)  Jehovah nih hitihin a chim, “Sihmanhseh law hmailei caan ah cun, keimah cu Pathian ka si i nanmah sin i biachimtu ka si kha nan hngalh lai,” a ti.” (Isaiah 52:6). Jesuh hi Pa kong lam chimtu a si i, Pa min a hung langhter tu a si, Pa min theihtertu zong a si fawn (Johan       1:18; 17:6; 17:26). Jesuh nih BAWIPA (Jehovah) min cu a langter i (Salm 22:22; Heb 2:12), Cuticun Jesuh hi Jehovah hrimhrim a si.

         (7) BAWIPA (Jehovah) nih cun, “Mi vialte kha ka sinah an r alai i ka hmaiah an kun lai; na sinah zumhawktlak tein kan um lai tiin bia an i kam lai,’a ti (Isaiah 45:23) (Rel chap - Rom 14:10-11). Paul zong nih,  hitihin a chim, “Cucaah Jesuh min upatnak caah cun vangcung i a ummi vialte nih si hna she, vawlei i a ummi vialte nih si hna she, vawalei tang i a ummi vialte nih si hna seh, an khuk an i bil lai i.’’ Pathian kan Pa sunparnak caah cun ei vialte nih Jesuh cu Bawipa “(Jehovah) a si an ti lai. (Phil 2:10-11).      

      (8) Zekhariah nih Jesuh Khrih cu Jehovah a sit i fiangte in a hung hrilhfiah/chim (Zekhariah 11:4 ;11:12-13). Zekhariah 12:10, “ah Jehovah nih hitihin a chim fawn, “Khi tikah An rak ka chunhmi keimah kha an ka zoh lai” a ti. Si e! Jesuh hi Ngun Tangka sawmthum in an zuar cu a si i, an chunnak zong cu a si fawn (Matt 26:14-16; Johan 19:34). Zechariah 12:8  nih a chimmi ah hin Messiah a chim hnawh, “Dadiv tefa hna kha Pathian bantuk an si lai.”a ti. Culawng si lo, Zekhariah nih hitihin a tial than, “Bawipa cu a ra chuak lai I a ral dohnak hmun i a ralthatnak a rak chuah ni bantuk khan cu miphun hna cu a doh hna lai.” “Khi ni ah cun a ke cu Oliv Tlang cungah an dir lai, (Cipciar in Rel… Zekhariah 14:3-5; Lamkaltu 1:9-12; I Timote 1:6; Biathlam 19:11-16).

          (9) Paul - Judah Cathiam, Farasee ah Farasee bak, Khrihfa hna a hremtu pa kha Damusca khu hauka ah mitcaw lak in Pathian Ceunak nih a hung kah i, Paul nih, “Ahodah na si, Bawipa? Tiah a hal. Paul hi Judah mi a si bantukin, Bawipa Pathian Pakhat lawng a um ti a theih cia dih mi a si i, “Jehovah Ahodah na si? ti in a au, Bawipa (Jehova) nih cun, “Keimah cu na Hremmi Jesuh ka si,” tiin a hung leh khah. (Lamkaltu 9:5)

        (10) Moses nih khan Pathian (Jehovah) cu a chawnh tawn, (Hebru 11:26, “Messiah ruang i nihsawhnak in cu Izipt ram chawhlawn vialte nakin a sung deuh ah a rel I cucu zeicaahdah a si tiah, hmailei hmuh laimi laksawng kha a rak i ruah chih caah a si.” Moses Pathian cu Jesuh Khrih hi a rak si diam cang tinak a si. Amen! Halleluijah…..

         (11) Salm 68:18 nih cun  Jehovah cu tlang Sang par ah cun a hung kai i sal tlaihmi tampi aa hruai hna.  Efisa 4:7-10 nih hin Jesuh kong a rak chimchung nak a si ti a hung lang ter.

      (12) Revelation 22:6  “Cun vancungmi nih khan a ka thawh i, “Hi bia hi biatak an si i zumhawktlak an si. A Thlarau kha profet hna a petu Bawipa Pathian nih, tuante ah a tlung zau ding thil kha a sal hna hmuhsak awkah, a vanmi kha a run ka thlah,”.  Asinain, Cang 16nak ah cun, “Keimah,Jesuh nih, Khrihfabu chung i a ummi nan nih sinah hi bia cu thanh awkah ka vancungmi kha ka run thlah. Kei cu Dadiv tefa kha ka si, kei cu deirel arfi ceu cu ka si,”a ti.

Jesuh hi Pathian Jehova cu a si hrimhrim ti chimnak Pathian Bia dang tampi a um rih. A tangah hin, Baibal cang aa khat mi Jehova hrilhfiahnak le Jesuh hrilhfiahnak a si mi kan hung tar thup ko lai i, hi kan Baibal (Pathian Bia) nih hin Jesuh hi Jehova a si hrimhrim nak a hung langter ko lai. 

     

Jesuh cu Jehovah a si (I)

Jehovah

Biakam Hlun Bible Cang

Jesuh

Biakam Thar Bible Cang

1

Lianngan Bik

Genesis 17:1    Rel

Lianngan Bik (Almighty)

Revelation 1:8

2

Keimah

Exodus 3:14-16

Keimah

John 8:58

3

Lungpi

Psalm 18:2; 28:1

Lungpi

I Corinthians 10:4

4

A thawngmi Khamhtu

Psalm 18:2

A Thawngmi Khamhtu

Luke 1:69

5

Tuukhal Shepherd

Psalm 23:1; Isaiah 40:10-11

Tuukhal Tha, Tuukhal Ngan Tuukhal Bawi Bik

Hebrews 13:20; I Peter 5:4

6

Liannganmi Siangpahrang

Psalm 24:7-10

Sunparnak Bawi

I Corinthians 2:8

7

Ceunak

Psalm 27:1; Isaiah 60:19

Ceunak

John 1:4-9; John 8:12; Revelation 21:23

8

Khamhtu/kilvengtu

Psalm 27:1; Isaiah 12:2

Khamh khotu

Acts 4:10-12

9

Bawi vialte Bawipa

Psalm 136:3

Bawi vialte Bawi

Revelation 19:16

10

Pathian thiang

Isaiah 12:6

Athiang Pakhat

Acts 2:27

11

Uktu

Isaiah 33:22

A hmasa Biakamnak a tuah tu,

Hebrews 9:14-17

12

Biaceihtu Bawi

Isaiah 33:22

Biaceihtu Bawi

Micah 5:1; Acts 10:42

13

Hramthoknak le Donghnak

Isaiah 41:4; 44:6; 48:12

Alpha and Omega, hmasa bik le hmanung bik,  Hramthoknak le donghnak

Revelation 1:8; 22:13

14

Khamhtu

Isaiah 43:11; 45:21; 60:16

Khamhtu

Titus 2:13; 3:6

15

Thlarau ti Petu

Isaiah 44:3; 55:1

Nunnak ti nung petu

John 4:10-14; 7:38-39

16

Israel Singpahrang

Isaiah 44:6

Israel siangpahrang, Siangpahrang vialte siangpahrang

John 1:49; Revelation 19:16

17

Sertu

Isaiah 44:24; 45:8; 48:13

Zeizong vialte Sertu

John 1:3; Colossians 1:16

18

Pathian lawng

Isaiah 45:21

Pakhat lawng

Acts 7:52

19

Tlanhtu

Isaiah 54:5; 60:16

Tlanhtu

Galatians 3:13; Revelation 5:9

Jesuh cu Jehovah a si (II)

No.

Min

Jesuh Krih cu ,

Bible Cang

1

Jehovah-jireh (Pek tu)

kan sual thiannak caah Raithawinak kha vawikhat a ser i, cu cu zungzal caah a za ko

Hebrews 10:10-12

2

Jehovah-rapha (Damtertu)

Kan damnak asi

James 5:14-15

3

Jehovah-nissi (teinak puanrang, Ralteinak)

Kan ralteinak a si

I Corinthians 15:57

4

Jehovah-m'kaddesh (Thiantertu)

A kan thianter tu a si

Ephesians 5:26

5

Jehovah-shalom (Deihnak)

Deihnak a kan petu a si

John 14:27

6

Jehovah-sabaoth (Liannganbi Pathian)

Pathian Liannganbik bawi (Mi vialte Pathian) a si

James 5:4-7

7

Jehovah-elyon (Cungnungbik Pathian)

Milian ngan – Cungnung Bik Pathian

Luke 1:32, 76, 78

8

Jehovah-raah (tukhal)

Tukhal

John 10:11

9

Jehovah-hoseenu (sertu)

Sertu/Siamtu

John 1:3

10

Jehovah-tsidkenu

Dinnak/

I Corinthians 1:30

11

Jehovah-shammah (Um pitu)

Zeitik pohah a kan umpi tu a si

Matthew 28:20

           

A cung i ka hung langhter mi vialte hi, a hleivuan a si lo i, Jesuh hi Jehovah a si hrimhrim ti a langhtertu chimnak a si. Deuteronomy 6:4 kan zoh tik ah, Jehovah cu Pakhat lawng a si ti kan hmuh. Cucaah, hi sullam/umzia cu kan Baibal Biakam Hlun nih Pathian pakhat a ti mi kha pheh awk um lo in Jesuh hi a si ko.